الدنيا دى احوال

الدنيا دى احوال

الدنيا دى احوال
لاكن موجود فيها
حال يفرق عن حال
الدنيا دى احوال
فى شئ اسمو الرحمة
بس خلاص اتشال
ناس حالتها على قدها
ناس حالتها مفيش منها
ناس حالتها يا دوب عايشين
ناس غيرهم مش لاقيين
ناس بتحلم على قدها
ناس بتعلى ومش حقها
ناس بتخسر ناس ببلاش
ناس تخون الى مخنهاش
الدنيا دى احوال
فى ناس الحظ ولا شافهم
وناس عنيك على كتافهم
ولو تقابلها فى حياتك
ينزل دمعك على ظروفهم
فى ناس على الظلم تتعود
تشوف الحق وتحود
وناس ليلها كأنو نهار
وناس نهارها متسود
الدنيا دى احوال
فى ناس للضيقة متشاله
وناس من الحسبة متشاله
ولو تتكلم قصادهم فى يوم
تنفذ كلمة متقاله
وناس ممكن تموت من البرد
وناس متغطيين بالرود
وناس عايشين وراسهم فوق
وغيرهم وشهم فى الارض
الدنيا دى احوال
*********
فى ناس الدنيا لعبتهم
وناس على جنب سكتهم
وناس بتموت وننساها
وناس نحلف بتربتهم
وناس زى الطيور طايرين
لا طايلين فيها سماء ولا طين
وناس شغلتها بتشيل
بلاوى الناس لناس تانيين
الدنيا دى احوال
فى ناس زى الدهب غاليين
وناس زى التراب عايشين
وناس فى الدنيا غرقانه
وناس على وشها عايمين
فى ناس الدنيا تعباها
وطوب الارض دايناها
وناس تقدر تريح ناس
من الهم .. وبرضو سيباها
الدنيا دى احوال


الاغنيه اللى غناها محمد صيام

تأليف احمد بركات